Zyra e Prokurorit të Specializuar, mëngjesin e sotëm ka filluar me operacione të bastisjes në Prishtinë dhe në qytetin e Drenasit, konkretisht në fshatin Negroc, në vendlindjen e ish-luftëtarit të UÇK-së, Jakup Krasniqit.

Bëjmë të ditur se Operacionet po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX), raporton arbresh.info.

Në Negroc po qëndron Policia e Kosovës por portali arbresh.info, vesh se Shtëpia e Krasniqit në Negroc nuk është bastisë nga Zyra e Pakurorit të Specializuar, por bastisja po vazhdon në shtëpinë e tij në lagjen Velania në Prishtinë.

Zyrtarë të Organizatës së Veteranëve të UÇK-së kanë shkuar pranë shtëpisë së Jakup Krasniqit, ku zyrtarë të Policisë së EULEX-it po zhvillojnë një operacion me urdhër të Prokurorisë së Specializuar.

Zyrtari i OVL të UÇK-së, Enver Hajdari e ka cilësuar maltretim trajtimin që po i bëhet Jakup Krasniqit, i cili po merret në pyetje brenda shtëpisë së tij në lagjen Velania në Prishtinë, ku po mbahen me një dhomë në shtëpinë e tij, të gjithë pjesëtarët e familjes Krasniqi.

“Sot ka ndodhur diçka që nuk ndodh kurrkund në botë.. Një izolim, një maltretim”, ka thënë kryetari i OVL-UÇK-së, Enver Hajdari. Bastisjet e Prokurorisë së Specializuar, sipas tij janë të njëanshme dhe të turpshme.

“Këto bastisje janë të njëanshme. Ne nuk e njohim këtë gjykatë speciale nuk do ta njohim këtë gjykatë. Bastisja është gjëja më e turpshme që ndodh pas 20 viteve”, ka thëne Hajdari.

Hajdari ka thënë se nuk kanë informacione nëse janë bastisur edhe shtëpi tjera të ish-pjesëtarëve të UÇK-së, sepse ne jemi njoftuar përmes mediave./Arbresh.info